Philips Revolution – Мисија:Македонија на врвот

Philips Revolution ќе учествува на Светскиот шампионат FIRST LEGO League во Грција. Македонија оваа година ќе биде во друштво на најдобрите 50 тима од целиот свет во FIRST LEGO лигата, која претставува глобална иницијатива која ги воведува децата во науката, технологијата, инженерството и математиката (СТЕМ) преку интерактивно и забавно учење базирано на практика. Македонија на Светскиот шампионат FIRST LEGO League, кој од втори до четври мај ќе се одржи во Софико, Коринт, Грција ќе биде претставувана од тимот „Philips Revolution“ државно општинско училиште кои, пак, постигнаа неверојатен успех на националниот натпревар по едукативна роботика – FIRST LEGO League Macedonia 2025, кој се одржа на први март во „Дајмонд мол“ Скопје, како второ пласирани победници на натпреварот. Токму поради тоа, тимот „Philips Revolution“ се пласира директно на Светскиот шампионат FIRST LEGO League, каде што ќе се натпреварува со уште 50 тима од целиот свет!

Ова сезона 2024/25 темата во домашната FIRST LEGO-лига беше „Истражување на океаните“. Океаните се срцето на глобалниот екосистем, а учениците имаа можност да создаваат решенија за зачувување и одржливоста на океанските ресурси. Учествуваа 23 тима од цела Македонија, од 16 државни училишта од Скопје, Битола, Штип, Кочани и Тетово, што претставува најмасовен настан досега. Повеќе од 500 ученици и ментори со својата енергија, знаење и креативност покажаа што значи да се биде дел од иднината! Но тимот од Philips Revolution издвои со извонредна тимска работа, посветеност и иновација, освојувајќи високи резултати во сите четири категории: Роботска игра, Роботски дизајн, Основни вредности и Иновативен проект.

Победничкиот тим на Philips Revolution беше составен од Давид Галовски, Јордан Георгиевски, Елена Станчевска, Меглена Попова, Матеј Амбаровски, Николина Богданоска, Марко Медиќ, Калин Флоровски, Иван Аврамовски, Михаил Чичевски, Јован Ѓоревски, Јована Ужевска, Марко Стојаноски и Георгина Димовска.

Со ова победа нашите млади гении покажаа што значи посветеност, неуморна работа и тимски дух. Во изминатиот период тие вложија безброј часови во тестирање, дизајнирање, програмирање и стратегија. Но, зад секој успешен тим стојат инспиративни ментори од наставници од нивното матично основно училиште, кои го предводеа тимот како најголема поддршка и мотивација.

НЕОПХОДНА ФИНАНСИСКА ПОМОШ ЗА ПАТУВАЊЕТО НА СВЕТСКИОТ ШАМПИОНАТ

Ова патување во Грција е повеќе од натпревар – тоа е момент што ќе ги обликува како лидери на иднината! За сите млади лица ова не е само натпревар но пат кон иднината! Токму затоа е неопходна и финансиска поддршка од домашните институции, но и индивидуалци како начин за неопходно покривање на патните трошоци, котизацијата за натпреварот и сместувањето.

Секој придонес ќе ни помогне да ја исполниме оваа голема мисија и да го донесеме нашиот тим на светската сцена.

СЕКОЈА ФИНАНСИСКА ПОДДРШКА ЌЕ БИДЕ ДОБРЕДОЈДЕНА!

Донирај денес! Philips Revolution ја претставува Македонија на светската сцена.