Фондот за лекување на деца во странство е создаден од Павел Андреев, со цел да се задоволат критичните потреби на болни деца, на кои им е потребно итно медицинско лекување во странство. Целта на овој фонд е да се надмине финансискиот недостаток кај семејства кои се судруваат со значителни трошоци за лекување кои не се достапни во нивните матични земји. Преку овој фонд се решаваат неколку важни прашања поврзани со лекувањето на деца заболени од рак и на деца, кои имаат потреба од трансплантација на органи во странство:

1. Високи почетни трошоци: Семејствата често се соочуваат со огромни трошоци за започнување за првични, исклучително важни испитувања, кои можат да стигнат до 30 000 евра. Овие првични испитувања се од суштинско значење, затоа што истите ги одредуваат протоколите за лекување и вкупните трошоци. За многу семејства овие трошоци се огромни, што доведува до одложување на лекувањето на децата.
2. Опаѓање на интересот на донаторите: Кампањите за собирање средства за лекување рак може да траат повеќе од две години. И покрај силниот почеток, многу кампањи се судруваат со опаѓање на интересот на донаторите. За жал, ова често резултира со недоволно расположливи средства за покривање на потребите во текот на лекување во текот на напредокот на кампањата.
3. Итна потреба за трансплантација на органи: Кога на едно дете му е потребна трансплантација на орган (на пример бубрег, срце или црн дроб), итноста на ситуацијата може да биде критична. Чекањето за државно финансирање може да значи дека состојбата на детето ќе се влоши до тој степен, што неговиот живот ќе стане невозможен без итна интервенција.

Влијание на фондот за лекување на деца во странство

„Фондот за лекување на деца во странство“ е создаден за да ги решава овие неодложни проблеми, преку обезбедување постојана финансиска поддршка на семејствата на кои им е потребна помош. Визијата на Павел Андреев за овој фонд вклучува изградба на значителна резерва, со која да гарантира непосредна и постојана поддршка за деца кои поминуваат низ тешки медицински кризи. Со претплата на овој фонд, донаторите придонесуваат во фонд кој може да се распредели во различни кампањи, во зависност од настанатите потреби.

Како функционира фондот

1. Месечни претплати: Донаторите можат да го поддржат фондот преку месечни претплати, плаќани со картичка или преку Претплатниците и дозволуваат на платформата да повлекува фиксен износ од нивните сметки секој месец, или, доколку сакаат, да направат еднократна донација преку IBAN сметка.
2. Управување со претплатата: Донаторите добиваат лозинка преку е-пошта за да управуваат со својата претплата. Ова им овозможува да ја менуваат, стартуваат или прекинуваат поддршката во секое време, преку нивниот профил на платформата.
3. Поддршка на кампањи: Семејствата кои аплицираат за помош преку фондот, треба да имаат активна кампања за дете под 18 години, кое се бори со рак или има потреба од трансплантација на орган. Апликациите се разгледуваат, проверуваат и одобруваат врз основа на критериуми утврдени од фондот.

Транспарентност и евиденција

Секој донатор добива детален месечен извештај преку е-пошта, во кој се наведени средствата наменети за различни кампањи и нивното влијание. Страницата на фондот располага и со подглавје „Историја“ во кое се прикажани поддржаните кампањи и префрлените суми, обезбедувајќи на тој начин целосна транспарентност.

Поддржете го фондот денес

Вашата претплата на Фондот за лекување на деца во странство може да направи значителна промена во животот на децата, кои имаат итна потреба од медицинска помош. Придружете ни се во овој важен проект, за да им донесеме надеж и витална поддршка на оние на кои им е најпотребна. За повеќе информации или за започнување кампања, посетете ја нашата платформа. Секоја донација нè приближува до целта за да се осигураме, дека ниту едно дете нема да чека за спасувачко лекување поради финансиски ограничувања.