Да бидеме Снага, Светлина и Утеха во борбата со Сколиоза на Катерина

Почитувани, Пријатели, роднини, познати и непознати, ние како родители на Катерина, која девет години се бори со сколиоза и која е третирана со физикална терапија, шрот метод, масажи и корсети бараме помош за нашето девојче. Ние како родители се надевавме дека ќе имаме подобрување, но како поминува времето ситуацијата се повеќе се влошува и веќе почнува да прави проблем на внатрешните органи.

Консултиравме многу професори, доктори мислењето на сите беше дека под ИТНО е потребна операција за нашето дете. Како и сите родители и ние решивме да го одбереме најдоброто решение и најдобрата опција за нашата Катерина.

Операцијата ќе се изведе во Истанбул, Р.Турција кај еден од најдобрите професори што работи со највисока опрема за Сколиоза и секако за кој добивме најпозитивни искуства од пациенти кои веќе го имаат поминато нашиот пат. Секој родител сака да направи што е најдобро за своето дете. Операцијата чини 27 000 евра сума која ние ја немаме и неможеме да ја обезбедиме без ваша помош. Затоа се решивме да побараме помош од сите ВАС и Ве замолуваме СИТЕ да ни помогнете кој колку може бидејќи само на тој начин можеме да му помогнеме на нашето девојче пред кое е допрва животот и кој треба да го живее без болки и проблеми. Македонскиот народ досега многу пати покажа и докажа дека е хуман народ и ние сме сигурни дека сите ќе се обедините заедно со нас и ќе ни помогнете да и помогнеме на нашата Кате да замине на операција во најбрз временски рок.

Господ не ветил денови без болка, насмевка без солзи, сонце без дожд ... Но ветил Снага за ден, Утеха за солзи и Светлина за пат. Никој не рекол дека животот е лесен, но сите знаеме дека животот е убав. Ние сме сигурни дека сите ВИЕ заедно со нас како родители ќе и бидеме на Катерина Снага, Утеха и Светлина на патот кои и претстои за да замине на потребната операција во Р.Турција.

Затоа ве замолуваме да ДОНИРАТЕ, да СПОДЕЛИТЕ И САМО НА ТОЈ НАЧИН ЌЕ НИ ПОМОГНЕТЕ МНОГУ. ОД СРЦЕ ВИ БЛАГОДАРИ СЕМЕЈСТВОТО НА КАТЕРИНА ТРАЈКОВА.