Одобрено плаќање до VZW ATLANTIS

Кристијан е 4-ти пат во центарот Атлантис во Белгија на терапија за подобрување на неговата состојба за разбирање и говор. Денес му беше направено brain map ( скенирање на секој центар во мозокот, односно работа и напредок), од страна на терапевтот за читање на brain map ни беше кажано дека кај Кристијан напредокот е голем во сите полиња, а ние како родители тоа го забележавме откако почна со терапија по четврти пат. Исто така овие денови откако сме овде во центарот Атлантис во Белгија кај Кристијан се појави желба за други видови на храна како што се зеленчук и овошје, односно тој претходно јадеше еднолична храна. Зголемена му е желбата за дружење и играње со дечина, зголемена желба исто така има за возење велосипед, играње со топка, за боење итн. Кај Кристијан хиперактивноста што беше присутна претходно сега е на многу ниско ниво, а се надеваме дека наскоро и ке ја снема благодарение на терапиите од центарот Атлантис од Белгија. Продолжуваме понатаму со терапиите до целосна победа.