Како да му објасниш на едно дете зошто неговото братче не може да му каже „те сакам“?
Како да му кажеш зошто не го прегрнува кога ќе го повика, зошто не му одговара кога му зборува, зошто понекогаш само гледа во празно?
Како мајка, тие прашања ми го кинат срцето повеќе од сè.
Јас сум мајката на Стефан. Моето шестгодишно дете кое уште од раѓање беше поразлично. Додека другите мајки слушаа „мамо“ и „сакам“, јас чекав. Чекав со надеж. Чекав со солзи. Стефан зборува, но не комуницира разбирливо. Зборовите излегуваат, но не стигнуваат до нас. Понекогаш се нервира, понекогаш вреска од дното на душата, понекогаш се удира по нозете… а јас стојам до него и го држам, обидувајќи се да ја смирaм бурата што беснее во него.
Најтешко ми е кога неговото братче, две години постаро, ќе ме погледне со солзи во очите и ќе ме праша: „Мамо, зошто Стефан е ваков? Зошто не е како мене? Зарем не ме сака? Зошто не сака да си игра со мене?“ Тогаш ги прегрнувам двајцата силно, а моето срце се распаѓа. Му велам „ќе биде добро, маме… еден ден ќе играте заедно“, а внатре во себе се молам тоа навистина да стане вистина.
Секој ден е борба. Борба со неразбирање, со погледи, со умор што не поминува. Борба да останам силна кога сакам само да плачам. Борба да му помогнам на моето дете да најде мир во свет што му е прегласен и прегруб.
Јас не сакам ништо повеќе од тоа моето дете да има подобро утре. Да може да ме погледне и да ми каже „мамо“ со разбирање. Да може да го прегрне братчето и да си играат без прашања и солзи. Да има живот како сите други деца.
Постои можност за третман во Турција, третман со матични клетки кој може да му помогне. За нас тоа не е луксуз, туку надеж. Потребни ни се 15.000 евра – сума што за нас е недостижна, но можеби заедно можеме да ја собереме.
Ве молам како мајка, не како некој што бара услуга, туку како жена што секој ден се бори за своето дете – помогнете ни. Кој колку може. Секој денар е чекор поблиску до денот кога мојот Стефан ќе може подобро да живее, подобро да комуницира, подобро да се радува.
Од срце ви благодарам.
Една мајка што сонува само едно – нејзиното дете да биде подобро утре.
В платформата PavelAndreev.ORG има ясно определени правила за изплащане на дарените средства при медицинските кампании. Те гарантират, че всички средства ще бъдат оползотворени целево за лечението и съпътстващите го разходи. Всички документи, по които е направено плащане са видни в секция Новини.
6 лесни начина да направите своето дарение - карта, PayPal, ApplePay, GooglePay, Revolut, IBAN.
В секция Новини ще откриете информация от инициаторите на кампаниите.
PavelAndreev.ORG е най-сигурната платформа за организиране на следващата ти кампания.