19-ти декември 2025

Митко го победи ракот – чудо создадено од илјадници добри срца

Приказната на малиот Митко допре до илјадници срца. На само 3 години тој се соочи со тешката дијагноза акутна лимфобластна леукемија – предизвик кој го промени животот на целото негово семејство.

Во моменти на страв, неизвесност и борба, илјадници добри луѓе застанаа зад неговата кауза.

Преку платформата PavelAndreev.ORG, повеќе од 4.502 донатори се обединија и собраа над 134.184 евра, потребни за неговиот животоспасувачки третман.

Благодарение на оваа поддршка, Митко ја доби најважната шанса – шансата да живее, да се насмевнува и да го продолжи своето детство.

Денес со голема радост ја споделуваме прекрасната вест – Мити е во ремисија.

Третманот даде резултати, а најновите медицински наоди покажуваат дека болеста се повлекла. Претстојат контролни прегледи и следење на состојбата, но најтешкиот дел од битката е зад него.

Семејството на Митко и целиот тим на PavelAndreev.ORG ја изразуваат својата длабока благодарност кон сите што помогнаа. Секоја донација, секое споделување и секој добар збор беа дел од чудото што му го врати животот и иднината на едно дете.